Zinekluba

Astelehenetan, urtarrilaren 16tik otsailaren 6ra, 18:00etan, Vital Fundazioa Kulturunean, zineforum saioa dugu, kirolaren inguruko film onenez gozatzeko eta haietaz eztabaidatzeko, kirolaren eta zinemaren ikuspegietatik, hizlari hoberenen eskutik.

Zinekluba

Estadio Vital Fundazioaren zineklubak beste edizio bat dakar. Bertan, kirolari buruzko zinemaren historiako film onenetako batzuk eskainiko dira, eta, ondoren, zinemari eta kirolari buruzko solasaldiak egingo dira. Astelehenero ikus daiezke filmak, urtarrilaren 22tik otsailaren 12ra, 18:00etan, Vital Fundazioa Kulturunean (Bakea kalea 5, Dendarabako 1. solairua). Sarrera librea eta doakoa da, edukiera bete arte. 

Ziklo honetarako aukeratutako filmak honako hauek dira: Oscar sari ugari irabazitako ‘Carros de fuego’ (urtarrilak 22); Clint Eastwood zuzendari eta protagonista duen ‘Million Dólar baby’ (urtarrilak 29); Frank Perryren ‘El nadador' (otsailak 5), 1968an filmatutako kultuzko filma; eta Cameron Crowe-ren ‘Jerry Maguire’ (otsailak 12), kirol agenteei eta bakardade profesionalari buruzko film arrakastatsua. Guztiek izango dituzte solasaldietan zinemako profesional ospetsuak eta modalitate bakoitzean adituak diren kirolariak.

Programazioa
DataIzenburuaZuzendariaZinemako hizlariaKirol hizlaria
Urt/22Carros de fuegoHugh HudsonAmaya SalazarMartín Fiz
Urt/29Million dollar babyClint EastwoodAitor López de AberásturiAlfonso Larrimbe
Ots/5El nadadorFrank PerryJosean MorlesínMarta Redondo
Ots/12Jerry MaguirreCameron CroweMartín GuridiIgor Crespo

 

Amerikar futbolaren mundua izan zen gai nagusia Estadio Zineklubaren laugarren saioan, Cameron Crowe zuzendariaren Jerry Maguire filma proiektatuta.


Ondorengo solasaldian, Igor Crespo saskibaloi jokalarien agentea eta Martin Guridi Sonora Estudioseko soinu teknikaria eta zinema ekoizlea aritu ziren.


Igor Crespok filmaren gidoiaren dokumentazioa goraipatu zuen. Hiru urte eta erdiz idatzitako gidoi horrek kirol agenteen mundua egiantzez erakusten duela azaldu zuen. Era berean, nabarmendu zuen berak diharduen ingurune lehiakorrean beharrezkoa dela aholkulari on bat izatea.


Martín Guridik Cameronek —Almost Famous filmaren zuzendariak— zinema kontakizunari heltzean erakusten duen soiltasuna aldarrikatu zuen. Goraipatu zuen filmeko musika sortaren aniztasuna, proiektatu berri zen filmetik hain urrun dagoen baina film honek ordezkatzen duen zinema intimistarekin bat datorren road movies generoari dagokiona.
 

Argibideak

  • Hitzaldi-proiekzioa Vital Kulturunean izango da (Bake kalea, 5, 1. solairua, Dendaraba dendagunea), 18:00etan.
  • Euskal Herriko Unibertsitateko ikasleen graduko kredituak izapidetzeko balio du. Gehienez 35 lagunentzako tokia izango da, saioko. Eman izena hitzaldirako, aldez aurretik,  ehu.eus/eu/web/ehukirola/prestakuntza/ikastaroak-hitzaldiak-eta-mintegiak/arabako-campuseko web orrian.
  • Sarrera libre eta dohainik da, ikusleentzako tokia betetzen den arte.

Lehen saioaren laburpena:

Atletismoaren mundua izan zen Zinekluba Estadioko zineklubeko lehen saioa, Hugh Hudsonek zuzendutako “Carros de fuego” pelikularen proiekzioarekin.

Ondorengo solasaldia Martin Fiz maratoiaren munduko txapeldunak eta Amaya Salazar Zuzenbidean lizentziadunak egin zuten.

Martiz Fiz-ek atletismoaren mundua irudikatzen duen errealismoaz hitz egin zuen, pertsonaien arteko harremanak barne. Gainera, atleta batek izan behar duen indar mentala ere aldarrikatu zuen.

Amaya Salazarrek goraipatu zuen Hugh Hudsonek Vangelis-ek sortutako musika atipikoaren konpasetan oinarritutako istorioa kontatzen duen soiltasuna, irudien eta musikaren arteko sinbiosi liluragarri batean oinarritutako film historiko baterako. Milena Canoneroren jantzien diseinuaren perfekzionismoa ere goraipatu zuen.

Zinemaren eta kirolaren munduaren arteko analogiaz beteriko solasaldia izan zen.
 

Bigarren saioaren laburpena:

Boxeoaren mundua izan zen Estadio Zineklubeko bigarren saioaren ardatza, Clint Eastwoodek zuzendutako "Million Dollar Baby" filma proiektatuta. 

Ondoren solasaldia izan genuen, Alfonso Larrimbe jarduera fisikoko irakaslearekin eta Aitor López de Aberásturi zinema zuzendariarekin.

Alfonso Larrimbek filmeko entrenatzailearen eta boxeolariaren rolak bizitza errealeko boxeoko rolekin alderatu zituen. Bertaratuak harritu zituen, erakutsi baitzien emakume boxeolari askok, beren kirol ibilbidearen bukaeran, interpretatzeari ekiteko interesa erakusten dutela. 

Aitor López de Aberásturik filmeko hirukote protagonistaren interpretazio lana errebindikatu zuen, eta "Million Dollar Baby" bere zuzendariaren gainerako lanekin lotu zuen. Era berean, filmean zuzendariak egindako eszenaratzea disekzionatu zuen, eta bereziki azpimarratu zuen Eastwoodek bere zinemagintza osoan hain ohikoak dituen argi-ilunen erabilera.
 

Hirugarren saioaren laburpena:

Igeriketaren mundua izan zen gai nagusia Estadio Zineklubaren hirugarren saioan, Frank Perry zuzendariaren 'The swimmer' filma proiektatuta (gaztelaniazko bertsioan, El nadador).

Ondoren solasaldia izan genuen, Marta Redondo Judizmendi igeriketa klubeko entrenatzaile eta arduradun teknikoarekin eta Josean Morlesín EHUko Arte Ederretako fakultateko irakaslearekin.

Marta Redondok konparaketa egin zuen: alde batetik, filmeko protagonistaren uretan murgiltzeko modua, filma egin zen garaiari lotua; bestetik, igeriketaren egungo munduan erabiltzen den modua. Nabarmendu zuen oreka mentala garrantzitsua dela igeriketan eta, oro har, kirolean.

Josean Morlesínek Frank Perryren eszenaratzearen ukitu onirikoak goraipatu zituen, zinema esperimentaletik gertu baitaude. Bestalde, nabarmendu zuen Burt Lancasterrek antzeztutako protagonista ez dela askorik bizi mundu errealean.  Era berean, aipatu zuen zer eragin izan zuen John Cheeverren jatorrizko kontakizunak filmaren gidoian.
 

ARGAZKI SAILA ESTADIO ZINEKLUBA