Erabilera arauak:
- Ordutegia: 7:00etatik 21:30era, astegunetan; 8:00etatik 21:30era, asteburu eta jaiegunetan.
- Jarraitu gure aholkuei, sauna eraginkorra izan dadin.
Librea eta doakoa 18 urtetik gorakoentzat, eta kontraindikaziorik gabe.
Ezaugarriak:
- Hammam handia, 15 metro koadrokoa.
- Ongizaterako espazioa. Ingurune hezea du, eta ur lurrun konstantea erabiltzen du, ia % 100eko hezetasunarekin, eta 40 eta 50 °C arteko tenperatura neurritsuekin.
- Berotasun heze horrekin, poroak irekitzen ditu, eta larruazala hidratatzen, pixkanaka.
Onurak:
- Osasun fisiko eta mentalerako abantaila handiak dakartza.
- Muskuluak erlaxatzen, estresa askatzen eta arnasbideak garbitzen laguntzen du.
- Larruazalaren garbiketa sakona: lurrunak poroak irekitzen ditu, eta metatutako ezpurutasunak eta toxinak kanporatzen laguntzen du.
- Zirkulazioa hobetzea: beroak odol-hodiak dilatatzen ditu, eta ehunetarantz doan odol-fluxua estimulatzen du.
- Muskuluak erlaxatzea: tentsioa eta muskuluetako mina arintzen ditu. Ezin hobea, ariketa fisikoa egin ondoren.
- Arnasbideak garbitzen ditu: hezetasun handiak sudurreko eta bularreko kongestioa kentzen laguntzen du.
- Estresa murriztea: lasaitasun espazio bat ematen du. Antsietatea gutxitzen du, eta atsedena errazten.
Erabilera aholkuak:
- Sartu aurretik dutxatu behar duzu; isilik egon behar duzu; eta beroa ur epelarekin edo hotzarekin txandakatu.
- Ez zaitez sartu gehiegi janda edo urdaila hutsik duzula; izan ere, beroak zirkulazioa bizkortzen du.
- Ken itzazu bitxiak, erlojuak eta gailu elektronikoak, larruazala erlaxatzearren eta deskonektatzearren.
- Egon zaitez lurrun gelan 15-30 minutuz, duzun tolerantziaren arabera.
- Hidrata zaitez ura edanez, saioaren aurretik eta ondoren.
- Irtetean, egin itzazu tenperatura kontrasteak ur freskoarekin dutxatuz, zure gorputza tonifikatzeko.
- Bukatzean, jar ezazu larruazalean krema hidratatzailea edo olioa, azala lasaitzeko.
Igerileku estalien ondoan dago.