NORK ERABIL DEZAKE?
Abonatuek, 18 urtetik gorakoek, beren kirol edo jolas jarduera Estadion bertan jarduera profesionalarekin bateragarri egin nahi dutenek. Batzuetan, abonatu gabeko pertsonek, abonatutako erabiltzaileek lagunduta datozenek (bilera gelan).
Zer zerbitzu ematen ditu?
- 180 metro koadroko espazio gardena, altzariz hornitua eta giro lasai eta atseginean lan egiteko apaindua.
- WiFi bidezko konexioa (pasahitza egunero aldatzen da, eta aretoko monitore batean ageri da), eta kable bidezkoa.
- Gehienez 20 lagunentzako edukiera, eta lanerako 9 postu mahaidun.
- 3 gela intsonorizatu; bi, telefono deietarako.
- Bilera gela, bideokonferentzia sistema profesionalarekin (irudia eta soinua), leku banatan dauden bi talderen edo gehiagoren arteko bilerak egiteko.
- Ur freskoko postua.
Ordutegiak eta txandak
Working Estadio erabilgarri dago instalazio orokorrak irekitzen diren egun guztietan,* astelehenetik igandera, 08:00etatik 21:00etara.
Edukiera hobeto aprobetxatzeko, erreserbak hiru modalitate edo txandatan antolatzen dira:
- Goizez, 8:00 - 14:30.
- Arratsaldez, 14:30 - 21:00.
- Egun osoz, 8:00 - 21:00.
Nola sartu?
Ezinbestekoa duzu Estadio Vital Fundazioaren aplikazio berria deskargatzea. Oraindik deskargatu ez baduzu, mezu elektroniko honen amaieran aurkituko dituzu bi QR kode, hori egin ahal izateko.
Aplikaziotik, Working gunean zure espazioa erreserbatu ahal izango duzu. Hona hemen erreserba horien baldintzak:
Desde la App, podrás reservar tus espacio en el Working. A continuación te explicamos los requisitos de estas reservas:
- Gehienez ere 7 egun lehenago egin dezakezu erreserba.
- Zure erreserba zuzenean aplikazioan ezeztatu ahal izango duzu, saioa hasi baino ordubete lehenago arte (hau da, zure erreserba goizeko txandakoa baldin bada, 7:00ak baino lehen baliogabetu ahal izango duzu; eta arratsaldeko txandakoa baldin bada, egun bereko 13:30ak baino lehen).
- Kontuan izan ezazu: txanda hasi ondoren (goizez edo arratsaldez) erreserba bat egin nahi baduzu, harrera lekutik pasatu beharko duzu, aktibatzeko eta sartu ahal izateko.
Erreserba konfirmatu ondoren, Working Estadiora sartu ahal izango zara zure abonatu txartela aretoko sarrerako irakurgailuan aurkeztuz.
Bazkide ez diren pertsonak zurekin sar daitezke, bilerak egiteko. Horretarako, harrera lekuan bilera gela erreserbatu beharko duzu, eta zurekin batera datozenentzat Estadioko eguneko sarrerak ordaindu (Working Estadio bilera gelako pantaila erabiltzeko jarraibideak). Erreserbarekin baino ezin da erabili.
Deskarga ezazu aplikazio berria:
 |  |
 |  |
Prezioa
Working Estadiok mantentze kostu batzuk ditu: klimatizazioa, argiztapena, elektrizitatea, konexioa eta garbitasuna. Erabiltzaileek kostu horietarako laguntza txiki bat eman beharko dute. Horregatik, sarrera eta pertsona bakoitzeko 3 euroko prezioa ezarri da goizeko txandarako; 2 eurokoa, arratsaldeko txandarako; eta 5 eurokoa, egun osoko txandarako.
Bilera gelaren erabilera librea da, baina edozein txandatan erreserbatu daiteke (nahitaezkoa da erreserbatzea, bilerako norbait bazkidea ez bada). Prezioa 15, 10 eta 25 euro dira, hurrenez hurren.
GOGOAN IZAN:
- Ezinbestekoa duzu Estadio Vital Fundazioaren aplikazio berria deskargatzea.
- Sarbidea pertsonala eta indibiduala da, soilik 18 urtetik gorakoentzat, eta ezin da inor sartu zerbitzuan erregistratuta egon gabe.
- Interneteko konexioaren erabilera zure erantzukizunpean dago erabat.
- Egoki erabil itzazu altzariak, eta errespeta ezazu haien kokapena.
- Gorde ezazu lan giroa: bilerak eta telefono bidezko elkarrizketak, horretarako guneetan egin behar dira.
- Ekipoak (ordenagailuak, tabletak, telefonoa, monitoreak) isilik edo entzungailuekin egon beharko dira.
- Debekatuta dago barruan jatea edo freskagarririk edatea.
- Erraztu itzazu garbiketa lanak, ez utzi hondakinik, eta erabil itzazu zakarrontziak edo edukiontziak.
* Itxita dago abenduaren 25ean, urtarrilaren 1ean eta irailaren azken ostiralean, bai eta abenduaren 24ko eta 31ko eta abenduaren 6ko arratsaldeetan ere.
