Bertan, ariketa egituratu eta erregularrak osasuna mantentzeko eta hobetzeko ebidentzia zientifiko zabala duela azaldu zen. Hala ere, egungo gizarteak aldaketak dakartza, eta aldaketa horiek nabarmen murriztu dituzte erregularki aktiboa izateko aukerak, eta eserita egoteko orduak areagotu dituzte. ‘Derrigorrezko jarduera eza’ antzekoa den sedentarismo horri aurre egiteko, gure bizimoduan hiru gako nagusi erabil ditzakegu: gutxiago esertzea, gehiago mugitzea eta ariketa fisikoa egitea. Hori dela eta, gure egunean jarduera fisiko neurrikoa eta indartsua sartzeko gomendioa egin dugu, gure bihotz-arnasetako fitnessa hobetzeko, izan ere, gaixotasun kardiobaskularraren hilkortasuna eta gaixotze-tasa murrizteko armarik indartsuena dela erakutsi du.
Hizlari nagusia Susana Aznar izan zen, PAFS (Osasunerako Jarduera Fisikoa Sustatzeko ikerketa-taldea) taldeko zuzendaria. Izen oneko katedraduna, Gaztela-Mantxako Unibertsitateko (UCLM) Jarduera Fisikoaren eta Osasunaren irakaslea da, eta aurkeztu zuen Kontsumo Ministerioan gomendio dietetiko jasangarriei eta jarduera fisikoaren gomendioei buruzko txostena.
Idoia López de Guereñu izan zuen lagun, kirolaren psikologiako masterra Bartzelonako Unibertsitatean eta osasun psikologoa. Berak ariketa fisikoaz hitz egin zuen, osasun mentalerako ere ohitura osasungarria den aldetik, eta nola erabil dezakegun depresioaren aurkako tratamendu eta antsiolitiko izan dadin.
Horretaz gain, Mikel Aguado Bizan sareko programa psikomotorraren arduradunak ikuspegi praktikoagoa ekarri zuen eta Vitoria-Gasteizko adineko pertsonekin programa psikomotorra dinamizatzen duen esperientzia azaldu zuen.