Dagoeneko TEGeko gure jokalarien emaitzak ikusten ari gara teniseko lehiaketetan. Nesken haur kategorian, Euskadiko Taldekako Txapelketako finalerdietara iritsi ginen, gure inguruko klub onenekin parez pare lehiatuta. Gizonezkoen alebin taldeak ere txapelketa bereko final laurdenetara iristea lortu zuen, eta hori gure tenis eskolako jokalari gazteenen arrakasta ere bada.
Era berean, kategoria absolutuan, gizonezkoen zein emakumezkoen taldeak borrokan ari dira, mailaz igotzeko eta Euskadiko teniseko elitearekin lehiatzeko. Hor ere aipatzekoa dugu jokalari beteranoen ekarpena, partida bakoitzean sasoi onean dabiltzala eta edonorekin lehiatu daitezkeela erakutsi baitzuten.
Banakako arlora igarota, nabarmendu behar dugu gure jokalari Lucia Sedanok lortutako Arabako haur kategoriako txapeldun titulua, bai eta June Iriondok (oraindik kadete kategoriako jokalaria izanik) lortutako junior kategoriako txapeldun titulua ere. Gure TEG eskola bereziki nabarmentzen ari da emakumezkoetan lortutako emaitza bikainekin.
Martxoan jokatutako emakumezkoen IV. Opena arrakastatsua izan zen parte-hartzeari eta emaitzei dagokienez. Berta Gutierrez kantabriarrak 500,00 euroko garaikurra eta txekea irabazi zituen, finalean Leire San José errioxarrari neurketa polit eta lehiatu batean irabazita. Dagoeneko prestatzen ari gara open horren gizonezkoen edizioa: iraileko lehen astean jokatuko da, gure instalazioetan.
Azkenik, TEG eskolan udako ikastaro trinkoak prestatzen ari gara, udako denboraldian tenisaren kirolaz gozatu nahi duten jokalari gazteentzat.